நீங்கள் தேடியது "வாலிபருக்கு வலைவீச்சு"

தேனி:

பெரியகுளம் அருகே உள்ள லெட்சுமிபுரம் குளத்துக்கரை பகுதியைச் சேர்ந்தவர் தங்கராஜ். இவரது 16 வயது மகள் சருக்கு பட்டியில் உள்ள அரசு பள்ளியில் பிளஸ்-1 படித்து வருகிறார். சம்பவத்தன்று பள்ளிக்கு சென்ற மாணவி இரவு வரை வீடு திரும்பவில்லை. பல இடங்களில் தேடியும் கிடைக்கவில்லை.

இதனையடுத்து அவரது பெற்றோர்கள் தனது மகளின் தோழிகளிடம் விசாரித்தனர். அதில் அதே பள்ளியில் படிக்கும் மாணவருடன் அவர் பழகி வந்தது தெரியவரவே அதிர்ச்சியடைந்தனர்.

இது குறித்து தங்கராஜ் பெரியகுளம் போலீஸ் நிலையத்தில் புகார் அளித்தார். அவர் தனது புகாரில் சருத்துப்பட்டி முத்தாலம்மன் கோவில் தெருவைச் சேர்ந்த அன்னக் கொடி மகன் ராஜேஷ். அதே பள்ளியில் பிளஸ்-2 படித்து வருவதாகவும், அவர்தான் தனது மகளை கடத்திச் சென்றிருக்க கூடும் எனவும் தெரிவித்தார்.

அதன் பேரில் போலீசார் வழக்கு பதிவு செய்து கடத்தப்பட்ட மாணவியையும், அவரை கடத்திச் சென்ற மாணவரையும் தேடி வருகின்றனர்.

பேரையூர்:

திருமங்கலம் அருகே உள்ள வில்லூர் கிராமத்தைச் சேர்ந்தவர் குரு மகன் தங்கப்பாண்டி (வயது 30). கூலித்தொழிலாளியான இவருக்கு திருமணமாகி விட்டது.

சம்பவத்தன்று தங்கப்பாண்டி பக்கத்து வீட்டைச் சேர்ந்த 11-ம் வகுப்பு படிக்கும் 15 வயதுடைய மாணவியை தனது வீட்டுக்கு அழைத்துள்ளார்.

அப்போது அந்த மாணவியை மிரட்டி கற்பழித்ததாக தெரிகிறது. இதற்கு உடந்தையாக அதே ஊரைச் சேர்ந்த சுப்பையா மகன் அழகர் (25) என்பவர் இருந்துள்ளார்.

இது குறித்து பாதிக்கப்பட்ட மாணவி வில்லூர் போலீசில் புகார் செய்தார். வழக்குப்பதிவு செய்த போலீசார் அழகரை கைது செய்தனர். முக்கிய குற்றவாளியான தங்கப் பாண்டியை தேடி வருகின்றனர்.